Vikuætlan

Vikuætlan hjá 6.B

Vika 48 - 2021

  • Mánadagur
    29. november
    Eingin felags morgunsangur -Møta kl. 8.00 í floksstovuni. Gangið inn gjøgnum brandhurðina.
    Lesing
    Lesið heima í 20 min.
    Føroyskt
    Heima til í dag: Øll skulu vera liðug við VTUM heftið.
  • Týsdagur
    30. november
    Eingin felags morgunsangur -Møta kl. 8.00 í floksstovuni. Gangið inn gjøgnum brandhurðina.
    Lesing
    Lesið heima í 20 min.
    Ítróttur
    Allur flokkurin (bara 6.b) svimur.
    Enskt
    Tanja og Nomi leggja fram.
  • Mikudagur
    1. desember
    Eingin felags morgunsangur -Møta kl. 8.00 í floksstovuni. Gangið inn gjøgnum brandhurðina.
    Lesing
    Lesið heima í 20 min.
  • Hósdagur
    2. desember
    Eingin felags morgunsangur -Møta kl. 8.00 í floksstovuni. Gangið inn gjøgnum brandhurðina.
    Lesing
    Lesið heima í 20 min.
    Boðklivin
    Sí koronuheilsan frá Lív í boðklivanum.
  • Fríggjadagur
    3. desember
    Eingin felags morgunsangur -Møta kl. 8.00 í floksstovuni. Gangið inn gjøgnum brandhurðina.
    Lesing
    Lesið heima í 20 min.
    Støddfrøði
    Í dag hava tit Joan í rokning 1.-2. tíma.
    Føroyskt
    Heima til í dag: Í dag skal jólasøgan latast inn. Tit lata hana talgilt inn við at deila hana við Lív inni á Office365.

    Susan hjálpir tykkum at lata inn síðsta tíma í dag, um tit ikki minnast, hvussu man ger.
    Loynivinir
    Aftur í ár hava vit loynivinir í flokkinum! Vit skulu vera serliga góð og hjálpsom, og so geva vit okkara loynivini okkurt smáting (ein heilsan á einum lepa, ein karamella, ein slikkipinnur, ein stuttlig søga) umleið 4 ferðir. Fríggjadagin 17. desember avdúka vit, hvørjum vit hava verið loynivinur hjá, og tá er ætlanin, at øll geva eina størri gávu (fyri í mesta lagi 50,-).

    Tit fáa loynivinir í tímanum hjá Honnu.
    Danskur stílur
    Eg mangli fleiri stílar!

Nýggj koronatilmæli í skúlanum

04.11.2021: Góðu foreldur!

Í gjárkvøldið, 3. november 2021, sendi Undirvísingarstýrið skúlunum eitt skriv um nýggj tiltøk í skúlunum, nú talið av koronatilburðum er vaksið sera nógv síðstu tvær vikurnar. Víst verður m.a. á, at tað serliga eru børn og ung, ið verða smittað í løtuni, og um øll royna at taka eitt tak nú og gera nøkur átøk, so væntar heilsumyndugleikin, at smittutølini fara at lækka.

Í fyrstu atløgu kemur hetta at hava nakað av ávirkan á skúladagin hjá okkum her í Eysturskúlanum.

Í Eysturskúlanum gera vit hesar tillagingar:

Næmingarnir fara at nýta ymiskar inngongdir, so tey ikki trokast saman, tá ið tey koma og fara í og úr skúla og í fríkorterunum. Vit royna, so vítt tað letur seg gera, at halda felagshølini tóm fyri næmingar. Lærarar kunnu innanhýsis gera avtalur um, at næmingar nýta felagshølini í undirvísingini.

Næmingar í 6. flokki brúka brandhurðarnar inn í skúlastovurnar.

Undirvísingin verður í allarstørstan mun skipa sum vanligt. Tó kemur undirvísingin í størri mun enn vanligt at vera skipað í flokshølinum ella uttandura. Vit skulu royna at fyribyrgja, at næmingar samlast á felagsøkjunum í skúlanum.

Næmingarnir verða eggjaðir til bert at vera saman við floksfeløgunum.

Næmingarnir skulu minnast á, at teir eiga at hava egið pennahús við øllum amboðum - blýantar, litblýantar, blýantspískara, viskileður, linjál, saks, límstift v.m. - alt tað, ið teir hava brúk fyri í undirvísingini.

Vit minna okkum á aftur at gera okkum stóran ómak við at hava gott reinføri og royna so vítt møguligt at halda tilmæltu frástøðuna. Flokkarnir eiga at hava skipaðar mannagongdir viðv. tí at vaska sær um hendurnar.

Vit halda ongar stórar samkomur; t.v.s. tað verða eingir felags foreldrafundir og eingin morgunsang komandi vikuna. Vanligar foreldraviðtalur kunnu tó haldast í einum flokki. Lærararnir skulu tá tryggja, at frástøðan verður hildin, og at foreldrini hava atgongd til spritt. Flokslærarin kann tó í samráð við foreldraráðið í flokkinum útseta viðtalurnar í tvær vikur.

Ítróttatímarnir (sum í flestu førum eru árgangir saman) verða hildnir uttandura, um veðrið er til vildar. Eru næmingarnir innandura, býta lærarar  næmingarnar sundur í bólkar/flokkar, um tað letur seg gera.

At skipa næmingar í fastar og atskildar bólkar er eitt gott útgangsstøði fyri at arbeiða smittufyribygjandi og at gera smittusporan, gerst hetta neyðugt.

Tiltøkini eru galdandi til 12. november, sum er fríggjadagin í komandi viku. Tá verða tiltøkini endurskoðað og endurmett.

FLL ÚTSETT!

Nýtt FLL finalu dato: 22. Januar 2022.

28.10.2021: Vit eru kedd av at útseta, men vit í FLL Føroyar og flestu vegleiðarar vóru samdir um at januar var eitt betri dato at hava FLL Finaluna, vegna korona tølini og at fleiri lið sita í sóttarhaldi.

Vinaliga

FLL Føroyar, Jákup Heinesen

First Lego League

Nú byrja fyrireikingarnar so smátt til First Lego League. Eysturskúlin hevur meldað nøkur lið til, og sum kunnugt er 6.b meldaður til kappingina. Hetta verður spennandi at fara í holt við! Tað fyrsta, sum vit gera, er at vit, lærarar, seta okkum væl og virðiliga inn í verkætlanina, so vit fáa skipað arbeiðið so væl, sum gjørligt. Tit, sum hava hug, kunnu hyggja inn á leinkið niðanfyri og lesa um tiltakið.

Leinki við kunning um First Lego League: https://hjernekraft.org/challenge/for-lag

Byggivegleiðingar: https://firstlegoleague.org/season#mmbi

Føroyskur filmur um First Lego League (8 min.): https://vimeo.com/515688014/d9ffdbc644?fbclid=IwAR0OapbRzSOYf0dc3IasHTDTTIiqAqmWViKfRS0VUsrHyxdhZoUtqR_NEDs

Føroyskur filmur um robot-uppgávurnar (9 min.): https://vimeo.com/606818383/332f546124?fbclid=IwAR2pmMecdlZ8YN5GpLkChqucBZEPUV-vV0JB6hWjr8f4fqaERzjN4YaTHNs

Leinki við íblástri: https://hjernekraft.org/challenge/for-lag/oppdrag/inspirasjon