Førleikamenning 4 t/v

Endamál:

Er fyri næmingar, sum vilja betra møguleikarnar at røkka avbjóðingunum aftaná loknan skúla. 

Dentur verður lagdur á at økja kunnleikan til almenna vitan. Hetta verður m.a. gjørt við at menna førleikan at fata, sansa, greina og bera fram.

Førleikamenningin verður lutað í partar við støði í førleikunum hjá næmingunum, har verklig tilgongd er grundarlagið undir lesing, rokning og skriving. Harumframt eru partar fyri næmingar við staðfestum orðblindni.

Førleikamenningin er eisini lagað undirvísing til tilflytarar.

  • Samfelagið og eg, vitja stovnar, søvn og virkir, t.d. Listasavnið, Býarsavnið, Krígssavnið, Náttúrugripasavnið, Veðurstøðina, Føroya Tele, Bakkafrost, Fiskamarknaðin osfr.
  • Náttúran og eg, djór, blómur, fjall og fjøra og túrar, t.d. bóndagarð, MBM, Krás, Sjósavnið, Norðfra, Djórahandilin, Djóralækna, Veltan, Hjálpirót, Havin, vera við til at seta eplir niður og taka upp aftur osfr.
  • Kroppurin og eg, ítróttur, svimja, rørsla, spøl, vælvera, gongutúrar, venjingarmiðstøðir, innispøl-útispøl, ástøði um kroppin.
  • Matur og eg, heilsugóður matur og kostráð. Gera mat.
  • Rørslurokning og spøl, læra grundleggjandi rokning á øðrvísi hátt.
  • Borðspøl, læra at spæla mennandi borðspøl og kortspøl.
  • Tøkni og eg, teldur, grundleggjandi førleikar í word, skriva umsókn um starv/ lærupláss, keypa á netinum, senda teldupost o.a.
  • Málið og eg, lesing, skriving, upplestur, tøkni.
  • Føroyar, mítt nýggja heimland, ætlað tilflytarum.

Ársmet verður givið.