Vit fara aftur í skúla
Fyrst av øllum gott nýggjár og túsund takk fyri tað farna og øll góðynski um tað komandi.
Vónandi hava øll havt eini góð jól og eitt gott nýggjár saman við sínum nærmastu.
So fara vit aftur í skúla í morgin, 4.januar 2021, og vit gleða okkum.
Sum tit øll allarhelst vita og hoyra, so er talið av smittutilburðum í landinum høgt í løtuni, kanska serliga her í meginøkinum. Tískil eiga vit at minna okkum á aftur tey tilmæli, sum hava verið, og enn eru galdandi.
Frástøða og handreinføri eru sera týdningarmikil.
Vit eru í teimum bólkum, sum vit eru í, sum eru flokkurin og árgangurin.
Børn, sum vísa sjúkutekin, eiga at vera heima við hús og ikki koma í skúla.
Onnur enn næmingar og starvsfólk eiga ikki koma inn í skúlan.
Blíðar heilsanir
Eyðna Magnussen, skúlastjóri