Tvær góðar sakir
Tvær góðar sakir
Í umleið tríggjar vikur hava vit í Eysturskúlanum lisið fyri okkum sjálv, lisið fyri Føroyar og fyri Krabbameinsfelagið.
Skúlans vegna takka vit øllum, ið hava verið so røsk og íðin at lesa og eisini at savna pengar til eitt gott endamál.
Hesar tríggjar vikurnar hava næmingarnir í 1.-7. flokki í Eysturskúlanum lisið upp í fleiri rúgvur av bókum. Tilsamans hava tey lisið 1026 bøkur.
At lesa er lykil til óteljandi góðar upplivingar.
At lesa er so gott, og góðir lesivanar eru eisini góðir at hava. Heimurin verður nógv størri, og bøkur eru sprenfullar av øllum møguligum spennandi. Tað snýr seg bara um at finna tær røttu bøkurnar.
Og so til tykkum foreldur; takk fyri einastandandi stuðulin. Og okkara ynski er, at tit framhaldandi stuðla og eggja børnunum at lesa, eisini nú hetta átakið er liðugt.
Vegna Eysturskúlan
Skúlabókasavnið og Sóleyð M. Gøthe Tausen, lesivegleiðari