Í Eysturskúlanum er altíð gott at koma. Tað er eitt hugnaligt og livandi bókasavn og í desember er einki undantak - tær finna altíð upp á okkurt stuttligt. Í ár eru tveir kalendarar, sum eru jólagitikappingar fyri næmingar og starvsfólk. 

Næmingarnir skulu gita, hvat jólavætturin lesur um náttina og í hinari kappingini skulu næmingar og starvsfólk finna út av, hvør eigur hvønn munn. 

Og aftur í ár er skrivikapping til jóla. Seks vinnarasøgur verða funnar og freistin at lata søguna inn, er 7.desember. 

Áðrenn vit fara í jólaferiu, verða vinnararnir kunngjørdir. 

Myndir eru á leinkinum niðanfyri: 

https://eysturskulin.fo/?p=428