Filmsbreytin vann filmskappingina hjá Nám
Næmingar á filmsbreytini á NámX sendu filmar inn til filmskapping um heimsmál hjá NÁM.
3 filmar blivu framleiddir: “Ráðaloysi”, “Nú er Nokk” og “ROIDS”.
Týsdagin 6. desember var sýning av útvaldum filmum. Allir tríggir filmarnir hjá Nám X blivu valdir og vístir og tá avtornaði var tað eisini filmsbreytin, ið fór avstað við fyrsta plássinum.
Filmsliðið handan “Ráðaloysi” vunnu høvuðsvinningin á 30.000 kr og í grundgevingini var sagt at:
“Dómararnir vístu fyrst og fremst á tað filmiska í stuttu søguni og framúr eginleikarnar at finna góð støð, locations, at lýsa hendingarnar, og ta støðu, persónarnir eru í.”
Næmingarnir hava samstarva og hjálpst at sínamillum, tær vikurnar filmarnir blivu framleiddir. Av tí sama, so var tað frammanundan avgjørt, at uttan mun til hvør bólkur vann, so varð vinningurin deildur javnt millum øll, ið luttóku frá filmsbreytini.
Lummapengar til Berlin ferðina eru sostatt tryggjaðir!
Myndir frá Hanusi, lærara á filmsbreyini, eru á leinkinum niðanfyri: