“Jólini nærkast í hvørjum....”

Her er eitt yvirlit yvir skúlagongdina í desembermánað og kunning um jólahald og jólaguðstænastu.

12 - 16. desember: Vanlig skúlagongd.

15.desember: Jólahald verður í skúlahøllini kl. 19.00. 5.flokkur framførir leik, og 1.flokkur syngur.

Mánadagin 19. desember

Vanligur skúladagur. Næmingarnir í 8. og 9.flokki hava tó frí kl. 13.40.

Týsdagin 20. desember: Jólaguðstænasta

Starvsfólk og næmingar møta í skúlanum kl.8:00. Vit fylgjast oman í Havnar kirkju.

Guðstænastan byrjar kl. 9. Barnakór Eysturskúlans syngur undir guðstænastuni.

Eftir guðstænastuna fylgja lærararnir 1. og 2. flokki niðan aftur í skúlan. Frítíðarskúlin heintar næmingarnar kl. 11.00.

Allir aðrir næmingar hava frí

Mikudagin 21. desember: Jólahald fyri næmingunum í 1.-9. fl.

Næmingarnir møta kl. 9:00.

Flokkarnir hittast í flokshølunum. Flokslærarin fylgist við sínum flokki til jólatræið, sum stendur í D-lonini. Vit dansa jólatræ og lurta eftir søgu. Síðani verður farið inn í skúlahøllina at hyggja eftir jólaleiki.

Eftir jólaleikin fáa næmingarnir jólapakka og og fara síðani í jólafrí.

Næmingarnir í 7. – 9.flokki fáa støðumet, áðrenn tey fara í jólafrí.

Skúlagongdin byrjar aftur týsdagin, 3.januar 2023, kl. 8.00.