Tíðindi úr Eysturskúlanum

Eftir Ann Thomsen

08/10/2021

Rennidagurin 2021

Fríggjadagin fyri heystferiuna er altíð skúlarenning og soleiðis var aftur í ár. 

Vit hitaðu upp í skúlagarðinum og so vóru øll klár at renna rutuna, sum er uml. 3 km. Viðmælt verður øllum at renna ella ganga minst eitt umfar og rennast kundi til klokkan vísti 11.45.

 

Av tí at vit eisini skipa renningina, sum eina kapping í deildunum, var nógv lagt fyri. Næmingurin, sum rann longst, gongur í Nám X og rann eitt hálvt maraton og haraftrat runnu tveir næmingar í 6.flokki 18 km hvør. Tey, sum ikki orkaðu at renna, gingu teinin, onnur runnu og gingu, og tá tey komu á mál, fingu tey hvør sítt sunkist og skreytblað. Og so at bíða til avgerðin um vinnararnar kom. 

 

Í grunddeildini vann 2.flokkur við 9.km í meðal fyri hvønn næming

Í miðdeildini vann 6.a og tey runnu 11,54 km í meðal

Og í hádeildini rann 7.b 12,18 km í meðal fyri hvønn næming. 

 

Nú fara vit øll í heystfrí og koma aftur í skúla mánamorgunin 18.oktober. 

 

Vit ynskja tykkum øllum eina góða heystfrítið

 

Leinki til myndirnar eru her: 

https://eysturskulin.fo/?p=428