Kunning um jólaroyndina. 

Góðu foreldur - ein lítil áminning!

Skúlastýrisvalið er týsdagin 12.november, samstundis sum býráðsvalið. Skúlastýrisvalið fer fram í høllini á Hálsi, t.v.s. í sama høli sum kommunuvalið. Foreldur, ið hava foreldramynduleika hjá børnum, ið ganga í Eysturskúlanum, kunnu velja. 
Foreldur, sum ikki hava høllina á Hálsi, sum sítt valstað, kunnu brævatkvøða í Eysturskúlanum fram til mánadagin 11.november kl. 15.00. 
Foreldur, ið eiga børn, sum komandi skúlaár flyta í Eysturskúlan, hava eisini valrætt og kunnu brævatkvøða. 

Hesi valevni bjóða seg fram at umboða foreldrini í skúlastýrinum komandi 4 árini: 
Arnhild Schmidt
Birita B. Iversen
Ingibjørg Kristiansen
Rókur J. Jacobsen
Sigurð Ó. Vang
Tróndur H. Dalsgarð

Vinarliga

Eyðna Magnussen, skúlastjóri og forkvinna í valnevndini

Foreldraviðtalur hjá 8.n

So er tíðin komin til foreldraviðtalur í 8.n. Hesar verða hósdagin 24.10.24

Lærarar floksins koma at sita í floksstovuni hjá 8.n.

Lærararnir, sum verða við, eru:

Asta (flokslærari, science, støddfrøði, ítróttur)

Anna (danskt, enskt, ítróttur)

Heri (føroyskt, søga, samfelagsfrøði)

Vit ynskja, at næmingarnir IKKI eru við til hesar viðtalurnar

Hetta eru tíðirnar:

Kl. 16.00 ( Elisia)

Kl. 16.20 ( Andras)

Kl. 16.40 (Andras Pauli)

Kl. 17.00 ( Robbin)

Kl. 17.20 (Boas)

Kl. 17.40 (Elsebeth)

Kl. 18.00 (Rúni)

Kl. 18.20 (Ísak)

Kl. 18.40 (Dávid)

Kl. 19.00 (Mattias)

Kl.19.20 (August)

Kl. 19.40 (Bjørn)

Kl. 20.00 (Alith)

Um tað ikki liggur fyri at koma til ásettu tíð, so hevði verið gott, um tit sjálvi skiftu um tíð við onkran av hinum og boða flokslæraranum frá.

Vinaliga

Asta Nielsen, flokslærari og flokstoymið í 8.n

Myndatøka í Eysturskúlanum 

Seturskúli

Góðu foreldur og næmingar í 8. flokkunum

So fara vit á seturskúla!

Í ár fara allir 8.flokkarnir inn á Strendur á seturskúla. Vit gista í bygdarhúsinum har. Vit hittast í Eysturskúlanum mikumorgunin 25. september klokkan 09.00. Bussur koyrir frá Eysturskúlanum til Strendur, og vit koma aftur hósdagin 26. september umleið klokkan 15.30.

Næmingarnir rinda 200 krónur til flokslæraran í seinasta lagi mánadagin 23. september.

At hava við:

Soviposa
Vaskigreiðir
Góðan matpakka til fyrstu máltíðina
Góð gonguklæði
Borðspøl og kortspøl (um tykkum lystir)
Gott lag J
 

Allir tríggir flokslærararnir í 8.flokkunum koma við á seturskúla og ein lærari afturat.

Blíðar heilsanir

Asta, John og Rannvá

Ítróttardagur 

Góðu tit øll

Mikudagin 11. september verður ein ítróttadagur í hádeildini. Um kvøldið hava vit eina

veitslu. Veitslan byrjar klokkan 18.00, og hon endar klokkan 21.00. Næmingarnir rinda

100 kr hvør.

Næmingarnir geva flokslæraranum peningin.

Vit gleða okkum

Blíðar heilsanir

Stórtoymið í hádeildini