Góðu foreldur - ein lítil áminning!

Skúlastýrisvalið er týsdagin 12.november, samstundis sum býráðsvalið. Skúlastýrisvalið fer fram í høllini á Hálsi, t.v.s. í sama høli sum kommunuvalið. Foreldur, ið hava foreldramynduleika hjá børnum, ið ganga í Eysturskúlanum, kunnu velja. 
Foreldur, sum ikki hava høllina á Hálsi, sum sítt valstað, kunnu brævatkvøða í Eysturskúlanum fram til mánadagin 11.november kl. 15.00. 
Foreldur, ið eiga børn, sum komandi skúlaár flyta í Eysturskúlan, hava eisini valrætt og kunnu brævatkvøða. 

Hesi valevni bjóða seg fram at umboða foreldrini í skúlastýrinum komandi 4 árini: 
Arnhild Schmidt
Birita B. Iversen
Ingibjørg Kristiansen
Rókur J. Jacobsen
Sigurð Ó. Vang
Tróndur H. Dalsgarð

Vinarliga

Eyðna Magnussen, skúlastjóri og forkvinna í valnevndini

AFTURVENDANDI TRIVNAÐARKANNINGIN Í FÓLKASKÚLANUM

Í næstu viku fer Trivnaðarkanningin 2023 av næmingum í 5., 7., og 9.flokki fram á øllum fólkaskúlum í Føroyum.

Fróðskaparsetrið hevur gjørt eina heimasíðu, sum kunnar flokslærarar, kt-vørðar og sjálvsagt skúlabørnini. Á heimasíðuni sæst hvørjar avtalur Fróðskaparsetrið, sum ger kanningina, hevur gjørt við skúlarnar. 

LEINKJAN TIL HEIMASÍÐUNA: 579.fo

Tíðarætlanin sær soleiðis út í Eysturskúlanum:

7.flokkarnir: 27.februar 2023 kl. 10.15

Evnisvika í miðdeildini

Góðu foreldur!

Í komandi viku fara vit at hava evnisviku, har evnið verður “flóttar, kríggj, Ukraina og hjálpararbeiði”.

Á skránni verður:

·       vitjan av Ken, Mariu, sum er ættað úr Ukraina og pápa hennara, sum er flótti.

·       Reyði Krossur kemur at kunna okkum um teirra arbeiði.

·       Stuðulsrenning

·       Fløskuinnsavning

·       Sølutiltak/café

Næmingar gera:

·       Pylsubreyð, smákøkur og bomm, sum vit ætla at selja hósdagin, tá ið vit bjóða øllum vælkomnum framvið.

·       Venja sang, sum verður framførdur hósdagin kl. 12:10, har øll eru vælkomin at lurta.

Til tykkum foreldur/avvarðandi (ommur, abbar, trímenningar, mostrar, vinir o.o.)

Gleðiligt hevði verið, um tit kundu komið framvið og stuðlað tiltakinum hósdagin millum kl. 09:30 til 12:30. Møguligt er at keypa sær ein kaffimunn við onkrum leskiligum afturvið fyri ein bíligan penga. Ein bússa stendur á borðinum, har møguleiki er fyri stuðla við nøkrum eyka krónum. Minnist til reiðan pening.

Kórsangurin hjá næmingunum verður kl. 12:10.

Næmingarnir vilja fegnir hjálpa teimum neyðstøddu, og teir fara tískil at gera nógv burturúr.

Vinaliga,

Næmingarnir í miðdeildini

6.A

Í 6.A eru 14 næmingar; 10 gentur og 4 dreingir.

Flokslærari: Johann Jansson Petersen Tlf.: 262974

johann.petersen@skulin.fo

               Floksmynd 23. August 2021