Boðklivin hjá 1.b 2024-2025

Felagsmynd av 1.b í Nólsoy

Grýlufloksmynd av 1.b

Skúlastýrisvalið

Góðu foreldur - ein lítil áminning!

Skúlastýrisvalið er týsdagin 12.november, samstundis sum býráðsvalið. Skúlastýrisvalið fer fram í høllini á Hálsi, t.v.s. í sama høli sum kommunuvalið. Foreldur, ið hava foreldramynduleika hjá børnum, ið ganga í Eysturskúlanum, kunnu velja. 

Foreldur, sum ikki hava høllina á Hálsi, sum sítt valstað, kunnu brævatkvøða í Eysturskúlanum fram til mánadagin 11.november kl. 15.00. 
Foreldur, ið eiga børn, sum komandi skúlaár flyta í Eysturskúlan, hava eisini valrætt og kunnu brævatkvøða. 

Hesi valevni bjóða seg fram at umboða foreldrini í skúlastýrinum komandi 4 árini: 
Arnhild Schmidt
Birita B. Iversen
Ingibjørg Kristiansen
Rókur J. Jacobsen
Sigurð Ó. Vang
Tróndur H. Dalsgarð

Vinarliga

Eyðna Magnussen, skúlastjóri og forkvinna í valnevndini

Felagsmynd av 1.b frá rennidegnum 2024

Foreldraumboð í 1.b:

• Petra (mamma Claru)
• Svanna (mamma Albertu)
• Sára (mamma Jónatan)

Lesing - ein góð byrjan

Her er leinkið til faldaran til foreldur "Lesing - ein góð byrjan": https://snar.fo/fileadmin/00_filagoymsla/01_filar/01_laerugreinar/01_foroyskt/fakligt_tilfar/Lesing_ein_god_byrjan/Lesing_-_ein_god_byrjan_-_a_netid.pdf

Myndir frá fyrsta vanliga skúladegi hjá 1.b, 15. august 2024

Kunning um gerandisdagin og reglur hjá okkum í 1.b

• Í 1.b skal vera trygt og gott at ganga. Vit fara væl við hvørjum øðrum og virða lærarar, skúla, hinar næmingarnar og tingini hjá hinum.
• Vit virða klokkuna. Vit møta til tíðina, tá ið skúladagurin byrjar, og akta skúlaklokkuna, sum ringir, tá ið fríkorterið er liðugt.
• Vit lurta eftir tí, sum hevur orðið. Vilja vit siga okkurt, rætta vit hondina upp.
• Postmappan skal kannast og tømast hvønn dag heima og kann eisini nýtast til boð heimanifrá. Skal altíð liggja í taskuni.
• Í pennahúsanum skulu vera: jumboblýantar, gott viskileður, blýantsspískari, linjuál, límstift og saksur. Kannið pennahúsan regluliga heima.
• Matpakkin skal vera ein vanligur, heilsugóður matpakki. Góðgæti og leskidrykkur (sodavatn/sunkist) skal ikki vera í matpakkanum.
• Skiftiklæðir: Børnini kunnu hava skiftiklæðir liggjandi í sínum kassa í lítla rúmi. Her hugsa vit eyka sokkar/hosur og buksur, um tey fáa karm.
• Børnini skulu altíð vera ílatin eftir veðrinum, tí vit ætla at fara nógvar túrar í nærumhvørvinum. Harumframt fara tey so at siga altíð út, tá ið fríkorter er.
• Inniskógvar: Skilagott er at hava inniskógvar í skúlanum, tí gólvini í gongini gerast vát.
• Telefonir og telefon-ur: Næmingarnir skulu ikki hava telefon ella telefon-ur í skúlanum.
• Frávera: Er barnið sjúkt, skal flokslærarin hava boð um hetta, antin við at geva barninum ein lepa við, tá ið tað kemur aftur í skúla, ella við telduposti. Ynskja tit fríloyvi, kann flokslærarin geva frí í tveir dagar. Er talan um fleiri dagar, skal umsókn um fríloyvi latast leiðslu skúlans umvegis heimasíðuna.
• Skúlating, kunning og annað viðkomandi tilfar verður lagt út á vikuætlanina hjá flokkinum, sum tit finna á heimasíðuni www.eysturskulin.fo
• Samskiftið við flokslæraran er umvegis teldupost: liv.reinert.nielsen@skulin.fo
• Felags foreldrafundur verður fráboðaður stutt eftir skúlabyrjan. Týdningarmikið er, at øll børn eru umboðað.
• Foreldraviðtalur eru tvær ferðir árliga, ein um heystið og ein um várið.