Skúlastýrini, ið sitið hava seinastu árini, hava arbeitt stútt og støðugt við at betra um ferðsluviðurskiftini rundanum Eysturskúlan.

Loksins er komið á mál, og nú er ferðsluætlanin, ið Tórshavnar kommuna gjørdi fyri Tórgarðsgøtu og Skúlagøtu, liðug.

Ein oyggj er løgd í vegbanan í Tórgarðsgøtu, sum ger, at tá ið bilar og bussar steðga og loyva børnum úr, steðgar øll ferðslan, ta løtuna av og á skipan er.

Ljós eru løgd í fótgangarateigin tvørturum Tórgarðsgøtu. Ljósini blinka, tá ið fótgangari gongur tvørturum.

Ljós eru eisini sett upp í krossinum Tórgarðsgøta-Skúlagøta, so børnini síggjast væl, tá ið tey fara tvørturum vegin.

Ein rundkoyring er gjørd ovast í Tórgarðsgøtu (omanfyri lítlagarð, har grunddeildin er), so ferðslan skal glíða lættari niðaneftir og omaneftir, serliga um morgunin.

Nú alt er liðugt, er av og á skipan (muss&farvæl) galdandi allastaðni norðanfyri skúlan; hetta merkir, at foreldrini steðga, seta børnini av og koyra avstað aftur.

Skulu foreldur við børnunum inn í Eysturskúlan, skulu tey brúka parkeringsøkið omanfyri skúlan - yvir móti Eysturvølli.

Skúlastýrið heitir vinarliga á foreldrini um IKKI at seta bilin frá sær á vegnum ovast í Tórgarðsgøtu (við lítlagarð). Hetta elvir til ferðsluruðuleika, og í ringasta føri, so síggjast børnini ikki ímillum bilarnar, sum standa parkeraðir, tá ið aðrir bilar royna at koyra framvið.

Ovast í Dj. Í Geilgøtu er eitt skapilsi av eini rundkoyring. Tað er týdningamikið, at bilar, ið koyra í Dj. Í Geilgøtu um morgunin, ikki parkera í rundkoyringini, men steðga, seta børn av, og koyra avstað, Verður steðgað ov leingi í rundkoyringini, kemur proppur í ferðsluna, tí Dj.í Geilgøta fyllist við bilum, ið koyra niðaneftir, og nógvir bilar standa parkeraðir í høgru síðu omaneftir.

Blíðar heilsanir

/Skúlastýrið í Eysturskúlanum

Arnhild Schmidt, forkvinna

Eyðna Magnussen, skúlastjóri