![](/upload/cache/images/21001-21200/7dcc49df228271703340abb7d02b93dd02582719_w1250_h600_fC_ha50_va50_afp1.jpg)
Ókeypis fyrilestur um skíggjaráðini
Nú verður høvið hjá foreldrum, lærarum, námsfrøðingum og øðrum áhugaðum at hoyra vælumtókta fyrilesturin um skíggjaráð og hvussu skíggjanýtsla ávirkar okkum øll – ikki minst børn og ung. Fyrilesturin verður í Eysturskúlanum týskvøldið 16. mei 2023, klokkan 19.
Seinastu tíðina hevur nógv kjak verið um skíggjar í miðlunum bæði her heima og uttanlands. Í Føroyum hava vit skíggjaráð, sum foreldur og onnur áhugað kunnu hella seg til. Hesi skíggjaráð taka støðið í gransking. Í fyrilestrinum verður m.a. komið inn á hesi evni: Hvussu ávirkar skíggjanýtsla (mál)menning og uppmerksemi, hvussu verjir man børn móti bundinskapi og óhóskandi tilfari m.a. harðskapi og porno, hvussu við sosialum miðlum og sálarheilsu, og hvussu við snildfonum í skúla? Á fyrilestrinum fær tú, upp á stutta tíð, eitt gott innlit í hetta sera samansetta økið.
Tað er Gitte Klein, løggildur sálarfrøðingur, ið heldur fyrilesturin. Gitte hevur verið við til at gera skíggjaráðini hjá Fólkaheilsuráðnum.
![](/upload/cache/images/24001-24200/1659a26f5fba935cdfd29401f9e4793fa56435c2_w384_h256_fC_ha50_va50_afp1.png)
![](/upload/cache/images/24001-24200/67b31d976b2c88ab53c4e1c5cc022ee5c5fba56e_w384_h256_fC_ha48_va39_afp1.jpg)
![](/upload/cache/images/24001-24200/176cf924278754ed2fd289bd3be1f1f4ce5deaaa_w384_h256_fC_ha50_va50_afp1.jpg)