Um skúlatilboðið

Lonin er eitt serflokkatilboð, sum heldur til í Lonunum í Hoydølum.

Til dagligt arbeiða tveir lærarar og tveir námsfrøðingar í Lonini. Komandi skúlaár fara at ganga umleið 13 næmingar í 1.-3. flokki. Broytingar og tillagingar kunnu koma fyri.

Endamálið við serflokkinum er av veita eitt samansett námsfrøðiligt skúlatilboð, har næmingar fáa undirvísing og samstundis mennast persónliga við námsfrøðiligum stuðli. Endamálið er, at næmingurin kann megna at fara í vanligan flokk í fólkaskúlanum. Arbeitt verður út frá einstaklinga læruætlanum, har hvør skúladagur er skipaður við atliti til menningina hjá næminginum. Uppgávan er eisini at integrera næmingarnar í serflokkatilboðnum í skúlaflokkarnar í Eysturskúlanum, har tað ber til.

Vit vilja stimbra áræðið hjá okkara næmingum, so teir megna tær avbjóðingar, teir møta í samfelagnum og í framtíðini.

Vit vænta, at tú dugir at samstarva og vera fyrikomandi. Vera fús/ur at taka á teg tær uppgávur og avbjóðingar, ið eru í gerandisdegnum í skúlanum og áhaldandi ert við til at menna skúlatilboðið. Tú ert stundvís/ur og røkin og sært virðið í felagsskapinum. Tú skalt saman við toyminum duga at skipa dagin og planleggja arbeiðið fyri næmingin og motivera næmingin í arbeiðinum. Øll undirvísing er lagað til einkulta næmingin.

Førleikakrøv

Serflokkatilboðið hevur tørv á einum starvsfólki, sum er arbeiðshugað/ur, nærlagdur, tekur ábyrgd, samstarvshugaður, leggur dent á felagsskapin og kann taka undir við og geva sítt ískoyti til tilgongdina, ið løgd er til rættis.

Tú skalt hava útbúgving sum námsfrøðingur. Tað kann vera ein fyrimunur at hava starvsroyndir við børnum við menningarórógvi og líknandi avbjóðingum.

Lønar- og setanartreytir

Starvsøkið er Eysturskúlin við atknýttum sertilboði við starvsstaði í Serflokkinum í Lonini í Hoydølum. Setanarbrotið er 0,85 svarandi til 1530 árstímar.

Starvið sum námsfrøðingur er sáttmálasett, og verður lønt sambært sáttmála millum Fíggjarmálaráðið og Føroya Pedagogfelag.

Umsóknir

Umsóknir við CV og avriti av prógvum og møguligum ummælum og játtilsi um at barnaváttan kann innheintast, skulu vera skúlanum í hendi í seinasta lagi 5. juni 2023 kl. 13.00. Umsóknir verða sendar til:

Eysturskúlin

Tórgarðsgøta 17

FO 100 Tórshavn

Ella í teldubrævi til: eydna.magnussen@skulin.fo

Nærri fæst at vita um skúlan, serflokkin og starvið á heimasíðu okkara og við at venda sær til skúlastjóran, Eyðnu Magnussen tlf. 214755

Í Eysturskúlanum ganga skúlaárið 2023/24 umleið 570 næmingar í 1.-10.flokki.

Í skúlanum arbeiða 65-70 starvsfólk. Lærarar, námsfrøðingar, skrivari, reingerðarfólk, heilsufrøðingur og húsavørðar.

Vit leggja vit dent á:

At arbeiða í einum professionellum lærandi felagsskapi, PLF toymum

At arbeiða innovativt

At tollyndi og trivnaður er grundleggjandi fyri alt okkara virksemi

At menna og geva sítt íkast til týdningamikla felagsskapin.