Hesa vikuna hevur miðdeildin havt evnisviku og fríggjadagin bjóða tey øllum áhugaðum at koma í Eysturskúlan, á kafé og til undirhald. Peningurin, sum kemur inn, fer til barnadeildina á Landssjúkrahúsinum. 

Til tykkum foreldur/avvarðandi (ommur, abbar, trímenningar, nábúgvar, mostrar, vinir...)

Gleðiligt hevði verið, um tit kundu komið framvið og stuðlað tiltakinum fríggjadagin millum kl. 09:30 til 12:30. Møguligt er at keypa sær ein kaffimunn við onkrum leskiligum afturvið fyri ein bíligan penga. Ein bússa stendur á borðinum, har møguleiki er fyri stuðla við nøkrum eyka krónum. Minnist til reiðan pening.

Kórsangurin hjá næmingunum verður kl. 12:10.

Næmingarnir vilja fegnir stuðla Barnadeildini á LS, og teir fara tískil at gera nógv burturúr.

Vinaliga

Næmingar og lærarar í miðdeildini í Eysturskúlanum

Her er leinki til skrivið, sum varð lagt út um evnisvikuna:

https://eysturskulin.fo/news/700/evnisvika-og-studulstiltak-i-middeildini-i-viku-24

Og á leinkinum niðan fyri, eru myndir frá vikuni, tá tey høvdu postarenning. Endamálið var at vita, hvussu tey kundu verða aktiv, við skerdum førleikum. Eisini hava fyrilestrar verið í skúlahøllini.

https://eysturskulin.fo/27