Eysturskúlin søkir eftir námsfrøðiligum stuðli

Kundi tú hugsað tær at roynt at gingið nýggjar leiðir og roynt teg sum stuðul í fólkaskúlanum, so hevur tú møguleika at søkja starv í Eysturskúlanum. 

Vit søkja eftir einum námsfrøðiligum stuðli at stuðla einum næmingi í NámX.

Setanarbrotið er uml. 0,5. 

Vit søkja námsfrøðiligan stuðul, sum undir ábyrgd leiðslurnar og í samstarvi við leiðslu, førleikastovu og lærarar, gevur sítt íkast til at menna og búgva næming.

Starvið snýr seg um saman við lærarum at skipa skúladagin og stuðla næmingi, ið hevur avbjóðingar í gerandisdegnum. 

Tað hevur týdning at duga at samstarva og at vera opin fyri broytingum í starvsinnihaldinum.  

Førleikakrøv 

Vit søkja stuðul, sum:

· dugir væl at samstarva og samskifta 
· Brennir fyri at stuðla og hjálpa  
· sýnir næmingum sín eldhuga og virðing 
· vil fevna ymiskleikan og styrkja felagskapin 

Starvið er eitt sáttmálasett starv, ið verður sett skjótast gjørligt. Starvið verður lønt sambært avtalu millum Føroya pedagogfelag og Fíggjarmálaráðið í lønarflokkunum 13, 15, 17, 19 og 21. 
Umsóknir, við cv og avriti av prógvum og møguligum ummælum, skulu vera skúlastjóranum í Eysturskúlanum í hendi í seinasta lagi týsdagin 26. november 2024 kl. 12.00. 
Umsóknin skal stílast til skúlastjóran við telduposti: eydna.magnussen@skulin.fo 

Nærri kunning um starvið fæst við at ringja til Eyðnu Magnussen, skúlastjóra, á telefon 214755. 

Í Eysturskúlanum ganga 560 næmingar. Starvsfólkini eru uml. 70 í tali.  
Eysturskúlin byggir at hesi virði: 

Trivnaður 

Dygd í undirvísingini 
Reglusemi 
Bindandi samstarv í lærandi felagsskapi 
Siðvenjur 
Gleði