Sætti flokkarnir í Eysturskúlanum eru valdur út at taka lut í spennandi 2 ára verkætlan, ið eitur Málvinir í Norðurlondum - kynstrið at skilja hvønn annan. Tveir 6. flokkar í Íslandi og ein úr Danmark eru eisini við, og endamálið er at koma at kenna hvønn annan betur og samstundis vísa fram hvørji vit eru.

Vit hava gjørt skattakistur og tíðarlinjur, har vit vísa fram skattirnar úr okkara heimi og lívi. Summi okkara eru tilflytarar og koma úr øðrum londum, summi okkara hava uppruna í Føroyum, men hava búð uttanlands, men eru nú flutt aftur til Føroya. Saman hava vit nógv at vísa hvør øðrum. Vit hava funnið útav, at 16 ymisk mál eru knýtt at okkara 6. flokkum og hava vit stóran áhugað fyri øllum málum, ið eru umboðaði.

Okkara listaverk fara at vera víst fram í Íslandi og í Danmark. 5 næmingar úr Eysturskúlanum sleppa at vitja Ísland og Danmark, og møta nýggjum vinum.

Verkætlanin er stuðlað av NordPlus í samstarvi við Kulturkompasset i Århus og Skovvangskolen í Árhus. Í Íslandi samstarva vit við Háteigsskúlan, Melaskúlan og Listasavn Íslands.

Myndir eru í savninum: https://eysturskulin.fo/538