Í dag møttu 32 væl upplagdir næmingar, sum hava vant dart síðani í summar, upp í hølinum hjá Havnar Dartfelag til árligu Nám X - cup.

Byrjað varð við bólkaspæli í 8 bólkum. Hildið varð so fram, til vit stóðu eftir við vinnaranum. Nógvir spennandi dystir vórðu spældir, og upplivdu vit tveir næmingar skora 180, sum er hægsta skora í dartspælinum.

Eftir tvær spennandi semifinalur møttust Áron Dahl og Aron Berg Joensen í finaluni, sum gjørdist ein sannur gysari sum kundi farið báðar vegir. “Longra stráðið” trekkti Aron Berg Joensen, sum nú kann kalla seg Nám X meistari 2025. Silvur fekk Áron Dahl og triðja plássið fór til Mannbjørn Eysturtún Mouritsen.

Myndir eru í myndasavninum: https://eysturskulin.fo/565