Týsdagin 22.08.23 fara vit at rudda økið, ið tit síggja á myndini, fyri TK. Hetta er fyri at savna pening inn til námsferðina. 
Vit byrja kl. 10.00 og eru liðug kl 15.00. Tí er sera týdningarmikið, at tit eru væl ílatin (eftir veðrinum), eru í hóskandi skóm og hava handskar við. (so tit kunnu taka ruskið upp.) Eisini mugu tit hava matpakka við tykkum.

Góðu foreldur at næmingum í 8.s.

Námsferð

Sum tit vita, so hava vit arbeitt við eini námsferð til Grønlands í september. Vit hava fyri langari tíð síðani sett okkum í samband við fleiri ferðaskrivstovur, ið skuldu koma við prísum uppá ferð og uppihaldi. Tað hevur tó víst seg, at tað hevur tikið fleiri mánaðir at fingið endaliga prísin frá teimum. Vit vita ikki, hví tað hevur verið so stríggið at fingið at vita kostnað - vit hava spurt fleiri ferðir, eisini eftir einum umleið kostnaði.

Nú hava vit so endiliga fingið prís uppá ferðing og uppihald. Í stuttum kunnu vit siga at tað verður alt ov kostnaðarmikið, eisini við tí legatinum vit hava fingið játtað frá NATA. Prísurin frá fyrstu ferðaskrivstovu, ið gav okkum prís er 23.000kr. fyri hvønn. Tá koma útferðir og matur afturat. Tað er alt ov mikið. Tað er ikki realistiskt at savna so nógvan pening.

Vit hava fingið eitt sindur av blóð uppá tonnina, og kundu hugsa okkum at farið námsferð við hesum flokkinum, so við tykkara loyvi, ætla vit at arbeiða við einum bíligari alternativi til námsferð, í mars 2024. Um tað er í ordan við tykkum, so hugsa vit at koma við einum alternativum uppskoti í vikuni eftir páskafrítíðini.

Bh.

Johann, Bogi og Ásvør.