EITT ÁR SÍÐAN KRÍGGIÐ Í UKRAINA BRAST Á

Í dag er eitt ár liðið síðan milliónavís av ukrainum vórðu noydd at flýggja undan kríggi í heimlandinum, og Føroyar fyri fyrstu ferð tók ímóti flóttafólkum. Í dag eru meira enn 130 flóttafólk komin til Føroya. Harímillum er eisini børn.

Børnini skuldu eisini sleppa í skúla, og Eysturskúlin var til reiðar og beyð seg til at skipa fyri móttøkuflokki.

Lærarar og onnur sjálvboðin gera eitt megnar arbeiði at syrgja fyri, at børnini fáa eina góða móttøku og kenna seg væl í Eysturskúlanum. Á myndini eru nøkur av børnunum og Ukrainski lærarin, sum eisini undirvísir børnunum.