Rennidagurin 2023
Sum vit plaga, runnu vit skúlarenning fríggjadagin undan heystfrítíðini. Ivasamt var við veðrinum, men tá renningin fór í gongd aftaná upphitingina, var turt og eitt sindur av vindi. Rutan var bara vend á høvdið, so øll fingu vindin í ryggin yviri við Strond.
Í ár høvdu vit ein eyka post á Óðinshædd, har Tónleikabreytin spældi tónleik og settu lív í fjøldina. Har bjóðaði Kostbreytin frukt, og tað kom væl við. Við skúlan var eisini ein vatnpostur, sum Kostbreytin eisini syrgdi fyri.
Væl var runnið, og gingið, og tá kilometrarnir vóru taldir saman, vóru tað 3. flokkur, 6.flokkur, 7.a og Handverksbreytin í Nám X, sum høvdu runnið flest kilometrar í miðal. Flokkarnir fingu ferðasteyp og aftaná heystfrítíðina sleppa tey at bovla.
Nú eru vit farin í heystfrí og møtast aftur í skúlanum mánamorgunin 16.oktober.
Myndir eru á leinkinum:
