Seinasta skúladag fyri jól, dansa vit um jólatræið og hyggja eftir jólasjónleiki og í ár var einki undantak. 

Næmingar og lærarar úr 1. til og við 9.flokki dansaðu um jólatræið í D-lonini. Ein stuttur steðgur var og í meðan fortaldi Johann eina góða jólasøgu, har øll sótu pinnastill og lurtaðu. Síðani var dansað eina løtu aftrat.

Aftaná var farið í skúlahøllina at lurta eftir einum fittum kóri, mannað við næmingum úr 1.flokki. Tey sungu tveir sangir undir leiðslu av Joannu. Sera væl sungið. 

Og so var løtan komin, tá 5.flokkur skuldi spæla sjónleik fyri øllum skúlanum, og sum okkara egni Palli hevur skrivað. Ein sera góður og tíðarhóskandi leikur. Búi Egason Dam hevur lagt teimum lag á, og tey dugdu sera væl at framføra. 

Løtan endaði við at Eyðna ynskti øllum eini gleðilig jól og øll sungu "gleðilig jól", so tað rungaði í høllini.

At enda fingu næmingarnir hvør sín jólapakka, áðrenn farið var heim í jólaferiu. 

Myndir eru á leinkinum: 

https://eysturskulin.fo/484?_l=fo