8. S hittir NASA austronaut
Hósdagin seinnapartin var forkunnugt tiltak í Kongshøll á Vestara bryggju, kallað “Sikta eftir stjørnunum”. Science og innovatiónsrásin á Eysturskúlanum var við til tiltakið. Eftir tiltakið hittu tey amerikanska NASA austronautin Andrew Feustel, ið hevur verið tríggjar ferðir í rúmdini, og var við seinastu ferð rúmdarferjan Atlantis varð nýtt. Hann hevur verið tilsamans 225 dagar í rúmdini, harav eitt hálvt ár umborð á ISS, International Space Station.
Næmingarnir hjá okkum fingu høvi at práta við forvitnisliga gestin eina góða løtu eftir framløguna hjá honum. M.a. varð hann spurdur um hann trúði, at tað finst lív onkustaðni í universinum, hvørjar útbúgvingar hann hevði tikið og nógv annað.
Umframt Andrew Feulstel var talan var um tríggjar fyrilestrar, ið høvdu við rúmdina ella rúmdargransking at gera. Føroyingarnir, ið eru við í spennandi NASA verkætlanum, Uni Árting frá jarðfeingi og David Arge Klevang Pedersen, ið hevur verið við til at gera kanningartól til Perseverance, bilin, ið koyrir á Mars og innheintar týðandi gransking, høvdu hvønn sín fyrilestur.
Myndir eru á leinkinum niðanfyri:
