Á ársins seinasta skúladegi, var rættur hátíðardámur í skúlahøllini. Fyrst var morgunsangur og síðani lat Eyðna miðdeildina sleppa framat.

Hanna greiddi frá evnisvikuni og um at endamálið við kafé´ini var at savna pening inn til barnadeildina á Landssjúkrahúsinum. Nógv fólk komu á gátt og í morgun var so avdúkað, hvussu nógv var komið inn. Tilsamans komu 21.198,50 krónur og hetta var latið læknanum og sjúkrasystrini á barnadeildini, sum vóru komin at vitja. Læknin var fegin um stuðulin og helt, at tey fóru at keypa okkurt ordiliga kul, sum børnini, ið máttu koma á sjúkrahúsið, fingu gleði av. 

Aftaná myndatøkuna var farið aftur í flokshølini at ynskja hvørjum øðrum góða summarferiu.