Søkt verður eftir námsfrøðingi til serflokkatilboðið í Lonini í Hoydølum í tíðaravmarkað starv frá 7.september til 2023 til skúlaársenda í juni 2024

Ein fyrimunur er, um umsøkjari hevur royndir við serflokkatilboði. Starvsfólkini arbeiða í sjálvstýrandi toymum og skipa seg sjálvi í samstarvi við allar partar. Í tøttum samstarvi við foreldrini er tilboðið nógvum næmingum at gagni.

Lonin er serflokkatilboð til næmingar, sum ganga í 1.-3.flokki. Í ár ganga 14 næmingar í serflokkinum, og starvsfólkini eru 5 í tali. Toymissamskiparin, sum er fólkaskúlalærari, hevur dagligu og fakligu leiðsluna og ábyrgdina av arbeiðinum í Lonini.

Førleikakrøv

Prógv sum námsfrøðingur. Søkir eingin námsfrøðingur, verður starvið skipað sum hjálparfólkastarv.

Tann, ið settur verður, skal:

• Vera fyrikomandi og hava jaligan hugburð mótvegis næmingunum

• Hava áræði at taka ábyrgd

• Duga at samstarva í toymum

• Duga at hugsa uttanfyri rammur – hugsa kreativt

Høvuðsuppgávan er at stuðla næmingum við tí fyri eyga, at næmingarnir megna gerandisdagin í skúlanum, mennast og læra, og verða stimbraðir til at taka lut í felagsskapinum.

Lønar- og setanartreytir

Starvið verður sett sum tíðaravmarkað sáttmálasett starv til skúlaársenda 2024. Starvið er 880 árstímar, lønarbrot 0,5  

Starvið verður skipað sambært sáttmálanum millum Fíggjarmálaráðið og Føroya Pedagogfelag. 

Nærri kunning um starvið fæst við at seta seg í samband við skúlastjóran í Eysturskúlanum ella toymisleiðaran í Lonini.

Eyðna Magnussen, skúlastjóri            eydna.magnussen@skulin.fo

Tlf 214755

Guri Tórsdóttir, toymisleiðari              guri.torsdottir@skulin.fo

Tlf. 592880

Hevur hetta fangað tín áhuga, frætta vit fegin frá tær. Umsóknir við CV, avrit av prógvum og møguligum ummælum skulu vera Eysturskúlanum í hendi í seinasta lagi fríggjadagin 1.september kl. 13.00.

Umsóknin verður stílað til eydna.magnussen@skulin.fo og merkt ”starv”.