Vit sóknast eftir einum lærara vegna sjúkrafarloyvi.

Umsøkjarin má kunna undirvísa í føroyskum, ítrótti, og føroyskum sum annaðmál.

 Søkt verður eftir starvsfólkum, sum: 
- eru samstarvs- og virkisfús,  
- eru fyrikomandi og løtt at koma á tal við  
- eru sinnað at taka á seg tær uppgávur, ábyrgdir og avbjóðingar, sum starvið og tíðin krevur  
- leggja dent á nærlagni, stundvísi, fakliga og námsfrøðiliga menning.  
- duga væl at samstarva. 

- Hava góðar KT-førleikar á brúkarastøði 

 
Førleikakrøv lærarar 
Tey, ið sett verða, skulu hava læraraútbúgving. 
Tann, sum vit leita eftir, má kunna undirvísa í hesum lærugreinum: føroyskum í miðdeild,  ítrótti í miðdeild og føroyskum sum annaðmál.

Eystuskúlin hevur móttøkuflokk fyri ukrainsk børn.

Lønar- og setanartreytir 
Lærarastarvið verður sett sum sáttmálasett starv, uttan so er, at tey, sum sett verða, eru tænastumannasett frammanundan. Størvini eru lønt í lønarflokkunum 18.1 – 29.2 sambært avtalu millum Fíggjarmálaráðið og Føroya Lærarafelag.  
Setanarbrøkurin til tíðaravmarkaða lærarastarvið er uml. 0,7.   

Umsóknir  
Umsóknir við CV og avriti av prógvum og møguligum ummælum skulu vera skúlanum í hendi í seinasta lagi mikudagin 28/2 2024 kl. 13.00. 

Umsóknir verða sendar til: 
 
eydna.magnussen@skulin.fo

Ella

Eysturskúlin

Tórgarðsgøta 27 
FO 100 Tórshavn  

Merkt: umsókn lærari

Nærri fæst at vita um skúlan og starvið á heimasíðu okkara www.eysturskulin.fo og við at venda sær til skúlastjóran, Eyðnu Magnussen tlf. 214755 

Um Eysturskúlan 
Í Eysturskúlanum ganga skúlaárið 2023/24 umleið 580 næmingar í 1.-10.flokki. 
Í skúlanum arbeiða uml. 75 starvsfólk. Lærarar, námsfrøðingar, skrivari, reingerðarfólk, heilsufrøðingur og húsavørðar. 

Vit leggja vit dent á: 
At arbeiða í einum professionellum lærandi felagsskapi.

At arbeiða í toymum; floks-, deildar- og faktoymum.
At arbeiða innovativt, og at yvirskriftin til alt okkara virksemi er: Hug at læra. 
At tollyndi og trivnaður er grundleggjandi fyri alt okkara virksemi.  
At menna og geva sítt íkast til týdningamikla felagsskapin.