Í Vinnuhúsinum seinnapartin fingu næmingarnir á ferðavinnubreytini diplom handað. Teir hava tikið skeið í tænastuvinnu.

Nógv av okkara kendastu fólkum innan ferðavinnu hava greitt næmingunum frá sínum virksemi. Eitt sera viðkomandi og áhugavert skeið eru næmingarnir samdir um. Tað var Bára Gunnarsdóttir frá Vinnuhúsinum, sum handaði diplomini. Eisini segði Guðrið Højgaard frá Visit Faroe Island nøkur orð.

Næmingar úr tónleikabreytini í NámX spældu tvey løg, og Vinnuhúsið bjóðaði okkurt søtt til góman.

Ein stak hugnalig løta, har eisini foreldur og nakrir av aktørunum møttu.

Lærararnir í ferðavinnubreytini lata væl at skeiðnum og fegnast um samstarvið við Vinnuhúsið og Visit Faroe Islands.

Myndir liggja á leinkinum:https://eysturskulin.fo/538