Opin breyt í Nám X
Opin breyt.
Hesa vikuna hava næmingarnir í Nám X møguleikan at velja seg inn á eina aðra breyt, enn tey vanliga eru á.
28 næmingar ynsktu seg á Íverksetanar og- ferðavinnubreytina, og tey fingu ein góðan dag niðri í Hugskotinum, sum heldur til í Sjóvinnuhúsinum. Umframt undirvísingina frá lærarinum, fingu tey innlit í arbeiðið og lívið hjá ymiskum íverksetum.
Stjórin bjóðaði vælkomin og greiddi frá, hvussu húsið verður brúkt. Tey fingu kunning frá íverkseta, sum hevur vitlíki sum vinnuveg, einum íverkseta, sum arbeiðir við branding og kanningum og dagurin endaði við vitjanini frá blómandi fyritøkuni Rent your Car, har báðir eigararnir og stovnararnir eru fyrrverandi næmingar í Nám X og Eysturskúlanum.
Eitt áhugavert og gott tiltak.
Myndir eru her: https://eysturskulin.fo/538
