Boðklivi

Boðklivi 1. flokkur

Góðu foreldur

Í morgin, mánadagin er seinasti testdagur. Týdningamikið, at allir næmingarnir verða testaðir, so vit kunnu fáa tey aftur í skúla týsdagin. Tað gleða vit okkum til.
Bh Eyðna

Føroyskt

Nú børnini eru í sóttarhaldi, hava tey fingið Sóljuna, skrivihefti og eitt ark (terningurin er kastaður) heim at arbeiða í.

Tað er av stórum týdningi, at tey arbeiða eina løtu (20 min) hvønn dag í hesum tilfari. Hetta er fyri, at børnini kunnu halda tað við líka, sum tey hava lært, so vit ikki mugu byrja umaftur, tá tey koma í skúla aftur.

Sóljan

Her skulu tey tekna, seta pílar, skriva og práta um myndirnar. Har eru nógvar góðar myndir og kanska eisini nógv á myndunum, sum tey ikki hava sæð áður. Tey skulu tó ikki hava gjørt meiri enn til og við s.22.

Skrivihefti

Skrivið bókstavarnar (hetta eru teir, sum vit hava lært higartil). Tey hava fingið hvør sítt bókamerki við í skriviheftið. Har stendur, hvar bókstavarnir byrja og skrivirætningur. Latið tey hyggja í tað, um tey ivast. Minnið tey á blýantsgreb, og hvar bókstavarnir byrja!

Terningurin er kastaður

Ovast stendur, hvussu tey skulu gera. Tit mugu lesa tað fyri teimum.

 

Ivast tit í nøkrum, so eru tit vælkomin at skriva/ringja til okkum.

Blíðar heilsanir

Randi og Guðrun